എറണാകുളത്ത് ലോറി മറഞ്ഞു; ഡ്രൈവർക്ക് ഗുരുതര പരിക്ക്

ലോറിക്കുള്ളിൽ കുടുങ്ങിയ ഡ്രൈവറെ നാട്ടുകാരും ഫയർഫോഴ്‌സും ചേർന്ന് മൂന്ന് മണിക്കൂറോളം നീണ്ട പരിശ്രമത്തിനൊടുവിലാണ് പുറത്തെത്തിച്ചത്.

എറണാകുളം: കരിങ്കൽ കയറ്റിവന്ന ലോറി മറിഞ്ഞ് ഡ്രൈവർക്ക് ഗുരുതര പരിക്ക്. കോതമംഗലം പെരുമണ്ണൂരിലെ പാറമടയിൽ നിന്നും കല്ല് കയറ്റിവന്ന ലോറിയാണ് പെരുമണ്ണൂർ റേഷൻ കടയ്ക്ക് സമീപം മറിഞ്ഞത്.

ലോറിക്കുള്ളിൽ കുടുങ്ങിയ ഡ്രൈവറെ നാട്ടുകാരും ഫയർഫോഴ്‌സും ചേർന്ന് മൂന്ന് മണിക്കൂറോളം നീണ്ട പരിശ്രമത്തിനൊടുവിലാണ് പുറത്തെത്തിച്ചത്. പരിക്കേറ്റ ഇയാളെ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്.

കല്ല് കയറ്റിവന്ന ലോറി ഇറക്കം ഇറങ്ങുന്നതിനിടയിൽ നിയന്ത്രണം വിടുകയും മരത്തിലിടിച്ച് മറിയുകയുമായിരുന്നു. നിരവധി പാറമടകളുള്ള പ്രദേശത്ത് യാതൊരു മാനദണ്ഡങ്ങളും പാലിക്കാതെയാണ് ഇത്തരം ലോറികൾ സഞ്ചരിക്കുന്നതെന്നും നാട്ടുകാര്‍ പറയുന്നു.