എറണാകുളം : സ്വർണക്കടത്ത് കേസിൽ മുഖ്യമന്ത്രി പിണറായി വിജയനെതിരെ അന്വേഷണം ആവശ്യപ്പെട്ടുള്ള ഹർജിയെ എതിർത്ത് സർക്കാർ. ഹർജി ഇന്ന് പരിഗണിക്കവെയാണ് സർക്കാർ ഇതിനെ തുറന്നെതിർത്തത്. സ്വർണക്കടത്ത്, ഡോളർ കടത്ത് കേസുകളിൽ മുഖ്യമന്ത്രി പിണറായി വിജയൻ, മുൻ സ്പീക്കർ പി.ശ്രീരാമകൃഷ്‌ണൻ എന്നിവർക്കെതിരെ അന്വേഷണം ആവശ്യപ്പെട്ട് എച്ച്ആർഡിഎസ്‌ സെക്രട്ടറി അജി കൃഷ്‌ണനാണ് ഹൈക്കോടതിയിൽ ഹർജി നൽകിയത്.
ഹർജിക്കാരനെതിരെ നിരവധി കേസുകൾ നിലനിൽക്കുന്നുണ്ട്. ഈ സാഹചര്യത്തിൽ ഇത്തരം ഹർജിയുമായെത്തിയത് അംഗീകരിക്കാനാകില്ലെന്നായിരുന്നു സർക്കാരിന്‍റെ വാദം.എന്നാൽ മറ്റ് കേസുകൾ നേരിടുന്നു എന്നത് ഹർജി സമർപ്പിക്കുന്നതിന് തടസമല്ലെന്ന് കോടതി സർക്കാരിനെ ഓർമിപ്പിച്ചു.