എറണാകുളം: പൗരത്വ ഭേദഗതി നിയമത്തിനെതിരായ സമരത്തിന്‍റെ ആദ്യഘട്ടം വിജയിച്ചുവെന്നതിന്‍റെ തെളിവാണ് പാർലമെന്‍റ്‌ പാസാക്കിയ നിയമം വിശദീകരിക്കാൻ കേന്ദ്ര മന്ത്രിമാരടക്കം വീടുകൾ കയറുന്നതെന്ന് എ.ഐ.സി.സി സെക്രട്ടറി പി.സി.വിഷ്‌ണുനാഥ്. ഡീൻകുര്യാക്കോസ് എം.പി നയിച്ച ലോങ് മാർച്ചിന്‍റെ രണ്ടാം ദിന സമാപന സമ്മേളനം കോതമംഗലം നെല്ലിക്കുഴിയിൽ ഉദ്ഘാടനം ചെയ്‌ത്‌ സംസാരിക്കുകയായിരുന്നു അദ്ദേഹം.കോതമംഗലത്ത് നടന്ന പദയാത്ര യു.ഡി.എഫ്. നേതാവ് ജോണി നെല്ലൂർ ഫ്ലാഗ് ഓഫ് ചെയ്‌തു. പി.കെ.സജീവ്, ടി.എ.അഹ്മദ് കബീർ എം.എൽ.എ, വി.എച്ച്.മുഹമ്മദ് മൗലവി, ഫാ.ജോസ് പരത്തു വേലിൽ, ഇസ്‌മയിൽ സഖാഫി, കെ.പി.ബാബു തുടങ്ങിയവർ സംസാരിച്ചു.
പൗരത്വ ഭേദഗതി നിയമത്തിനെതിരായ സമരത്തിന്‍റെ ആദ്യഘട്ടം വിജയിച്ചെന്ന് പി.സി. വിഷ്‌ണുനാഥ്