എറണാകുളത്ത് ബസും ലോറിയും കൂട്ടിയിടിച്ച് അപകടം

കോലഞ്ചേരി- ആലുവ റൂട്ടിൽ സർവീസ് നടത്തുന്ന സ്വകാര്യ ബസാണ് അപകടത്തിൽപെട്ടത്. അപകടസമയത്ത് ആറ് വിദ്യാർഥികൾ ബസിലുണ്ടായിരുന്നു.

എറണാകുളം: കടയിരിപ്പിന് സമീപം ബസും ടോറസ് ലോറിയും കൂട്ടിയിടിച്ച് നിരവധി പേർക്ക് പരിക്ക്. ആലുവ- കോലഞ്ചേരി റൂട്ടിൽ കാരിക്കോട് അമ്പലത്തിന് സമീപമുള്ള വളവിലാണ് അപകടം. വെള്ളിയാഴ്‌ച‌ ഉച്ചയ്ക്ക് 2 മണിയോടെയായിരുന്നു സംഭവം. അപകടസമയത്ത് ആറ് വിദ്യാർഥികൾ ബസിലുണ്ടായിരുന്നു. കോലഞ്ചേരി- ആലുവ റൂട്ടിൽ സർവീസ് നടത്തുന്ന സ്വകാര്യ ബസാണ് അപകടത്തിൽപെട്ടത്. ആലുവ ഭാ​ഗത്തേയ്ക്ക് പോവുകയായിരുന്ന ബസിലേയ്ക്ക് എതിരേ അമിതവേ​ഗതിയൽ എത്തിയ ടോറസ് ടിപ്പർ ഇടിച്ചു കയറുകയായിരുന്നു. അപകടത്തിൽ ബസിന്‍റെ മുൻഭാ​ഗം പൂർണമായും തകർന്നു. പുത്തൻകുരകിശ് പൊലീസ് സ്ഥലത്തെത്തി മേൽ നടപടികൾ സ്വീകരിച്ചു. പരിക്കേറ്റവരെ കോലഞ്ചേരി മെഡിക്കൽ കോളജിൽ പ്രവേശിപ്പിച്ചിരിക്കുകയാണ്. ആർക്കും ഗുരുതര പരിക്കുകൾ ​ഇല്ലെന്ന് ആശുപത്രി വ‍ൃത്തങ്ങൾ അറിയിച്ചു.