എറണാകുളം:പോക്സോ കേസിൽ പ്രതികളാകുന്ന അധ്യാപകർക്കെതിരെ അച്ചടക്ക നടപടിയെടുക്കാൻ വിലക്കില്ലെന്ന് ഹൈക്കോടതി. നടപടിയെടുക്കാൻ കോടതി വിധി വരുന്നതുവരെ കാത്തു നിൽക്കേണ്ട ആവശ്യമില്ല. സ്കൂള് അടച്ചുപൂട്ടാൻ മാനേജർ തീരുമാനിച്ചാൽ സർക്കാരിന് തടയാനാവില്ലെന്നും ഹൈക്കോടതി ഉത്തരവ്.
ഹയർ സെക്കൻഡറി അധ്യാപികയുടെ നിയമനവുമായി ബന്ധപ്പെട്ട ഹർജിയിലാണ് ഹൈക്കോടതിയുടെ നിർദേശങ്ങൾ. പോക്സോ കേസിൽ പ്രതികളാകുന്ന അധ്യാപകർക്കെതിരെ അച്ചടക്ക നടപടിയെടുക്കാൻ വിലക്കില്ലെന്ന് കോടതി വ്യക്തമാക്കി. ഭൂരിഭാഗം സംഭവങ്ങളിലും പ്രതികളായ അധ്യാപകർക്കെതിരെ അധികാരികൾ അച്ചടക്കനടപടി പൂർത്തിയാക്കുന്നില്ല.