കേന്ദ്ര സർക്കാരിനെ വിമർശിച്ച് ഡീൻ കുര്യാക്കോസ് എം.പി

മുസ്ലീംങ്ങളുടെ മാത്രം വിഷയമായി കരുതേണ്ടതില്ലെന്നും ഒരു പ്രത്യേക വിഭാഗത്തെ ഒറ്റപ്പെടുത്തുക എന്നത് ബി.ജെ.പിയുടെയും ആർ.എസ്.എസിന്‍റെയും നയമാണെന്നത് മറച്ചു വയ്ക്കേണ്ട ഒന്നല്ലെന്നും എംപി പറഞ്ഞു.

എറണാകുളം: ഭരണഘടനക്കുമേൽ കത്തിവെയ്ക്കുന്ന നിയമ നിർമാണമാണ് പൗരത്വ നിയമത്തിലൂടെ കേന്ദ്ര സർക്കാർ നടത്തിയിരിക്കുന്നതെന്ന് ഡീൻ കുര്യാക്കോസ് എം.പി ഭരണഘടനയില്ലെങ്കിൽ രാജ്യം നിലനിൽക്കുകയില്ലെന്നും ഭരണഘടനയെ കവച്ച് വെക്കുന്ന നിയമ നിർമാണങ്ങൾക്ക് സാധുതയില്ലെന്നും അദ്ദേഹം പറഞ്ഞു. പൗരത്വം നിയം മുസ്ലീംങ്ങളുടെ മാത്രം വിഷയമായി കരുതേണ്ടതില്ലെന്നും ഒരു പ്രത്യേക വിഭാഗത്തെ ഒറ്റപ്പെടുത്തുക എന്നത് ബി.ജെ.പിയുടെയും ആർ.എസ്.എസിന്‍റെയും നയമാണെന്നത് മറച്ചു വെക്കേണ്ട ഒന്നല്ലെന്നും അദ്ദേഹം പറഞ്ഞു. എം.പിയുടെ നേതൃത്വത്തിൽ നടക്കുന്ന ലോങ് മാർച്ചുകളെക്കുറിച്ച് വിശദീകരിക്കാൻ വിളിച്ചു ചേർത്ത പത്രസമ്മേളനത്തിലാണ് അദ്ദേഹം ഇക്കാര്യം അറിയിച്ചത്.

ഭരണകൂടം ഒരു വിഭാഗത്തെ ഒഴിച്ചു നിർത്തികൊണ്ട് നിയമം നിർമിക്കാൻ അവകാശമില്ലെന്നും ഭൂരിപക്ഷമുണ്ട് എന്നത് അവകാശമല്ലെന്നും അദ്ദേഹം കൂട്ടിച്ചേർത്തു. നിയമം നിർമിക്കുമ്പോൾ എല്ലാ മതങ്ങൾക്കും ആ നിയമത്തിൻ്റെ സംരക്ഷണം ലഭ്യമാകണം. പൗരത്വ രജിസ്റ്ററിനെ മൻമോഹൻ സിങും, കാരാട്ടും അനുകൂലിച്ചെന്ന ബി.ജെ.പി വാദം ശരിയല്ല. വിവേചനം സൃഷ്ടിക്കുന്ന പൗരത്വ രജിസ്റ്ററിനെക്കുറിച്ചല്ല അവർ പറയുന്നത്. ചൊവ്വാഴ്ച്ച വൈകിട്ട് മൂന്നിന് കോതമംഗലം ബിഷപ്പ് ഹൗസിന് സമീപത്ത് നിന്നും ആരംഭിക്കുന്ന ലോങ് മാർച്ച് നെല്ലിക്കുഴിൽ സമാപിക്കും.