എറണാകുളം: കൊവിഡ്‌ 19 വ്യാപനം തടയാൻ ബോധവൽക്കരണവുമായി ചലച്ചിത്ര സാങ്കേതിക പ്രവർത്തകരുടെ സംഘടനയായ ഫെഫ്‌ക. ബോധവൽക്കരണ ചിത്രങ്ങളുടെ സ്വിച്ച് ഓൺ കർമ്മം ഡയറക്ടേഴ്‌സ് യൂണിയൻ പ്രസിഡന്‍റ്‌ രഞ്ജി പണിക്കർ നിർവ്വഹിച്ചു. ഇന്ത്യൻ ആഡ് ഫിലിം മേക്കേഴ്‌സ്‌ അസോസിയേഷനുമായി ചേർന്ന് നിർമ്മിക്കുന്ന 9 ലഘു ചിത്രങ്ങളിൽ മമ്മൂട്ടി , മഞ്ജു വാര്യർ , ഫഹദ് ഫാസിൽ , മംമ്ത മോഹൻദാസ് , കുഞ്ചൻ , അന്ന രാജൻ , ജോണി ആന്‍റണി , മുത്തുമണി തുടങ്ങിയ താരങ്ങൾ പങ്കെടുക്കുമെന്ന് ഫെഫ്‌ക ജനറൽ സെക്രട്ടറി ബി ഉണ്ണികൃഷ്ണൻ അറിയിച്ചു. സാങ്കേതിക കലാകാരന്മാരും താരങ്ങളും പ്രതിഫലം വാങ്ങാതെയാണ്‌ ചിത്രങ്ങളുമായി സഹകരിക്കുന്നത്.
കൊവിഡ്‌ 19 വ്യാപനം തടയാൻ ബോധവൽക്കരണവുമായി ഫെഫ്‌ക
ഇന്ത്യൻ ആഡ് ഫിലിം മേക്കേഴ്‌സ്‌ അസോസിയേഷനുമായി ചേർന്ന് നിർമ്മിക്കുന്ന 9 ലഘു ചിത്രങ്ങളിലൂടെയാണ്‌ ബോധവത്‌കരണം. ടെലിവിഷൻ ചാനലുകളിലൂടെയും സമൂഹ മാധ്യമങ്ങളിലൂടെയും ചിത്രങ്ങൾ അടുത്ത ദിവസങ്ങളിൽ പ്രേക്ഷകരിലെത്തും.
കൊവിഡ്‌ 19 വ്യാപനം തടയാൻ ബോധവൽക്കരണവുമായി ഫെഫ്‌ക
ചലച്ചിത്ര പ്രവർത്തകരായ സോഹൻ സീനുലാൽ , ലിയോ തദേവൂസ് , അരുൺ ഗോപി , സിദ്ധാർഥ് ശിവ , മുത്തുമണി , ശ്രീജ , ബൈജുരാജ് ചേകവർ , ജോസഫ് നെല്ലിക്കൻ എന്നിവരും പരസ്യചിത്ര സംഘടനയെ പ്രതിനിധീകരിച്ച് സിജോയ് വർഗ്ഗീസ് , എ കെ വിനോദ് , കുമാർ നീലകണ്ഠൻ , അപ്പുണ്ണി , ഷെൽട്ടൻ , പ്രവീൺ എന്നിവരും ചടങ്ങിൽ പങ്കെടുത്തു. ഛായാഗ്രഹണം മഹേഷ് രാജ് , സുധീർ സുരേന്ദ്രൻ , മുകേഷ് മുരളീധരൻ എന്നിവരും സംഗീതം രാഹുൽ രാജും നിർവഹിക്കും. ടെലിവിഷൻ ചാനലുകളിലൂടെയും സമൂഹ മാധ്യമങ്ങളിലൂടെയും ചിത്രങ്ങൾ അടുത്ത ദിവസങ്ങളിൽ പ്രേക്ഷകരിലെത്തും.