21ഗ്രാംസ് (Twenty One Gms Malayalam Movie) എന്ന ക്രൈം ഇന്‍വെസ്റ്റിഗേഷന്‍ ചിത്രത്തിന് ശേഷം ബിബിന്‍ കൃഷ്‌ണയും (Director Bibin Krishna) ഫ്രണ്ട് റോ പ്രൊഡക്ഷന്‍സും (Front Row Productions) വീണ്ടുമൊന്നിക്കുന്ന ചിത്രത്തിന്‍റെ പ്രഖ്യാപനവുമായി അണിയറ പ്രവര്‍ത്തകര്‍. ഫ്രണ്ട് റോ പ്രൊഡക്ഷന്‍സിന്‍റെ ബാനറില്‍ റിനീഷ് കെ എൻ നിര്‍മിക്കുന്ന ചിത്രത്തിന് "ബ്രോകോഡ്" (BROCODE Movie Announcement) എന്നാണ് പേര്. വിഷ്‌ണു ഭരതന്‍ (Vishnu Bharathan) സംവിധാനം ചെയ്‌ത ''ഫീനിക്‌സ്'' എന്ന ചിത്രം പ്രദര്‍ശനത്തിന് തയ്യാറെടുത്തിരിക്കുമ്പോഴാണ് ഫ്രണ്ട് റോ പ്രൊഡക്ഷന്‍സിന്‍റെ പുതിയ പ്രഖ്യാപനം (Front Row Productions New Movie Announcement).
അനൂപ് മേനോൻ (Anoop Menon), ധ്യാൻ ശീനിവാസൻ (Dhyan Sreenivasan), ദിലീഷ് പോത്തൻ (Dileesh Pothan) എന്നിവരാണ് ബ്രോകോഡിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. കോമഡിക്ക് പ്രാധാന്യം നല്‍കി ത്രില്ലര്‍ ജേണറിലാണ് ചിത്രം ഒരുങ്ങുന്നത്. ചന്തു നാഥ് (Chandunath), അനു മോഹൻ (Anu Mohan), ബൈജു സന്തോഷ് (Baiju Santhosh), വിധുപ്രതാപ് (Vidhu Prathap), ഗായത്രി അരുൺ (Gayathri Arun), ഭാമ അരുൺ (Bhama Arun), ജീവ ജോസഫ് (Jeeva Joseph), യോഗ് ജപീ (Yog Japee) എന്നിവരും ചിത്രത്തില്‍ അഭിനയിക്കുന്നുണ്ട്.