കഞ്ഞിക്കുഴിയിൽ വാഹനാപകടം; രണ്ട് യുവാക്കൾ മരിച്ചു

ടോറസ് ലോറിയും ബൈക്കും കൂട്ടിയിടിച്ചാണ് അപകടമുണ്ടായത്.

ആലപ്പുഴ: കഞ്ഞിക്കുഴിയിൽ ടോറസ് ലോറിയും ബൈക്കും കൂട്ടിയിടിച്ച് രണ്ട് യുവാക്കൾ മരിച്ചു. മുഹമ്മ- കഞ്ഞിക്കുഴി റോഡിൽ വന സ്വർഗ്ഗം പള്ളിക്ക് സമീപമാണ് അപകടം. വളവനാട് കുന്നിനത്ത് മിഥുൻ കൃഷ്ണനും സുഹൃത്തുമാണ് മരിച്ചത്. സുഹൃത്തിനെ തിരിച്ചറിഞ്ഞിട്ടില്ല. ഇവർ സഞ്ചരിച്ചിരുന്ന ബൈക്ക് ടോറസ് ലോറിക്ക് അടിയിൽപ്പെടുകയായിരുന്നു.

ലോറി കയറിയിറങ്ങി ഇരുവരും തൽക്ഷണം മരണപ്പെട്ടു. മൃതദേഹങ്ങൾ ചേർത്തല താലൂക്കാശുപത്രി മോർച്ചറിയില്‍ സൂക്ഷിച്ചിരിക്കുകയാണ്.