ആലപ്പുഴ: സ്വന്തമായുണ്ടായിരുന്ന ഏക സമ്പാദ്യമായ വീട് തകർന്നതിനെ തുടർന്ന് ദുരിതത്തിലായ കുടുംബത്തിന് കിടപ്പാടം ഒരുക്കാന്‍ സഹപാഠികളും അധ്യാപകരും നാട്ടുകാരും രംഗത്ത്. കഞ്ഞിക്കുഴി ഗ്രാമ പഞ്ചായത്ത് 15-ാം വാര്‍ഡിലെ താമസക്കാരായ അമ്മക്കും രണ്ട് മക്കൾക്കും അന്തി ഉറങ്ങാന്‍ സുരക്ഷിതമായൊരു വീട് ഒരുക്കാന്‍ പ്രവര്‍ത്തനം തുടങ്ങിയിരിക്കുകയാണ് ഇവർ.
നന്മയുടെ നല്ല മാതൃക; വീട് തകർന്ന് ദുരിതത്തിലായ കുടുംബത്തിന് താങ്ങായി സ്കൂൾ അധികൃതർ
ചാരമംഗലം ഡിവിഎച്ച്എസ്എസിലെ വിദ്യാര്‍ഥികളായ സഹോദരങ്ങള്‍ക്ക് അമ്മ മാത്രമാണ് ഉളളത്. അച്ഛന്‍ കഴിഞ്ഞ വര്‍ഷം മരിച്ചു. ദാരിദ്ര്യത്തോട് പൊരുതിയാണ് മൂന്ന് പേരുടേയും ജീവിതം. കാലപ്പഴക്കം മൂലം അപകട നിലയിലായ ഇവരുടെ വീടിന്‍റെ മേല്‍ക്കൂര കഴിഞ്ഞ ദിവസത്തെ മഴയില്‍ തകര്‍ന്നിരുന്നു. സമീപവാസി താല്‍ക്കാലികമായി അഭയം നല്‍കിയ സ്ഥലത്താണ് ഇപ്പോള്‍ ഇവരുടെ താമസം.