ആലപ്പുഴ: മാവേലിക്കര വള്ളികുന്നത്ത് കൊല്ലപ്പെട്ട പൊലീസുകാരി സൗമ്യയുടെ മൃതദേഹം സംസ്കരിച്ചു. കനത്ത മഴയെ അതിജീവിച്ചും സൗമ്യയെ അവസാനമായി ഒരു നോക്ക് കാണാനെത്തിയത് ആയിരങ്ങളാണ്. ഇന്ന് രാവിലെ സഹപ്രവർത്തകരും കുടുംബാഗങ്ങളും ചേർന്നാണ് ആശുപത്രിയില്‍ നിന്ന് സൗമ്യയുടെ മൃതദേഹം ഏറ്റുവാങ്ങിയത്. മൃതദേഹം രാവിലെ വള്ളിക്കുന്നം പൊലീസ് സ്റ്റേഷനില്‍ പൊതുദർശനത്തിനു വെച്ചു. ശേഷം ഔദ്യോഗിക ബഹുമതികളോടെയാണ് വീട്ടുവളപ്പില്‍ മൃതദേഹം സംസ്കരിച്ചത്. വിദേശത്തായിരുന്ന ഭർത്താവ് നാട്ടിലെത്താൻ കാത്തിരുന്നതിനാലാണ് സംസ്കാര ചടങ്ങുകൾ നീട്ടിവച്ചത്. ഇന്നലെ വൈകിട്ടോടെ ഭർത്താവ് സജീവ് തന്‍റെ പ്രിയതമയുടെ ചേതനയറ്റ ശരീരം അവസാനമായി ഒരു നോക്കു കാണാനും അന്ത്യ ചുംബനം നൽകാനും വള്ളികുന്നത്തെ വീട്ടിലെത്തി.
സൗമ്യക്ക് നാടിന്‍റെ യാത്രാമൊഴി