രഞ്ജിത്ത് ശ്രീനിവാസൻ കൊലപാതകം; സൂത്രധാരന്മാരിൽ ഒരാൾ കൂടി പിടിയിൽ

കൊല്ലപ്പെട്ട എസ്‌ഡിപിഐ സംസ്ഥാന സെക്രട്ടറി അഡ്വ. കെ.എസ് ഷാനിന്‍റെ സുഹൃത്തും എസ്‌ഡിപിഐ ആലപ്പുഴ മണ്ഡലം പ്രസിഡന്‍റുമായ മണ്ണഞ്ചേരി പഞ്ചായത്ത് ചാവടിയിൽ സക്കീർ ഹുസൈനാണ് പിടിയിലായത്.

ആലപ്പുഴ: കൊല്ലപ്പെട്ട ഒബിസി മോർച്ച സംസ്ഥാന സെക്രട്ടറി അഡ്വ. രഞ്ജിത്ത് ശ്രീനിവാസന്‍റെ കൊലപാതകത്തിന്‍റെ സൂത്രധാരന്മാരിൽ ഒരാൾ കൂടി അറസ്റ്റിൽ. കൊല്ലപ്പെട്ട എസ്‌ഡിപിഐ സംസ്ഥാന സെക്രട്ടറി അഡ്വ. കെ.എസ് ഷാനിന്‍റെ സുഹൃത്തും എസ്‌ഡിപിഐ ആലപ്പുഴ മണ്ഡലം പ്രസിഡന്‍റുമായ മണ്ണഞ്ചേരി പഞ്ചായത്ത് ചാവടിയിൽ സക്കീർ ഹുസൈനാണ് (36) പിടിയിലായത്.

പ്രത്യേക അന്വേഷണ സംഘമാണ് ഇയാളെ പിടികൂടിയത്. ഇതോടെ കേസിൽ അറസ്റ്റിലായവരുടെ എണ്ണം 23 ആയി.