ആലപ്പുഴ: കൊവിഡ് രോഗവ്യാപനം വർധിക്കുന്ന സാഹചര്യത്തിൽ അടിയന്തര സാഹചര്യങ്ങളുണ്ടായാൽ നേരിടാനായി ജില്ല ദുരന്ത നിവാരണ അതോറിറ്റിയുടെ നിർദേശാനുസരണം തദ്ദേശസ്ഥാപനങ്ങളുടെ നേതൃത്വത്തിൽ കൂടുതൽ കൊവിഡ് ചികിത്സാകേന്ദ്രങ്ങൾ തുറക്കുന്നു. പുതിയ 18 ഡോമിസിലറി കെയർ സെന്‍ററുകളാണ് (ഡി.സി.സി.) വിവിധ തദ്ദേശ സ്ഥാപനങ്ങളുടെ നേതൃത്വത്തിൽ ഒരുക്കുക. പഞ്ചായത്ത് സെക്രട്ടറിമാർക്കാണ് ഡി.സി.സികൾ സജ്ജമാക്കുന്നതിനും സാധനസാമഗ്രികൾ ക്രമീകരിക്കുന്നതിനും ചുമതല. നടത്തിപ്പ് ചുമതല ജില്ല മെഡിക്കൽ ഓഫീസർക്കും പഞ്ചായത്തിലെ അതത് മെഡിക്കൽ ഓഫീസർമാർക്കുമാണ്.
പെരുമ്പളം ഗ്രാമപഞ്ചായത്തിലെ ഗവൺമെന്‍റ് എച്ച്.എസ്.എസ്(50കിടക്ക), മാവേലിക്കര തെക്കേക്കര പഞ്ചായത്തിലെ കുറത്തികാട് പഞ്ചായത്ത് കമ്മ്യൂണിറ്റി ഹാൾ (50 കിടക്ക), കുത്തിയതോട് പഞ്ചായത്തിലെ മെഹന്തി ഓഡിറ്റോറിയം (50 കിടക്ക), ചേർത്തല തെക്ക് പഞ്ചായത്തിലെ ഗവൺമെന്‍റ് റീജണൽ ഫിഷറീസ് ടെക്‌നിക്കൽ സ്‌കൂൾ (100 കിടക്ക), വെണ്മണി പഞ്ചായത്തിലെ സെന്‍റ് മേരീസ് ആശുപത്രി (30 കിടക്ക), രാമങ്കരി പഞ്ചായത്തിലെ ഫാത്തിമ ചർച്ച് ഹാൾ (50 കിടക്ക), പുറക്കാട് പഞ്ചായത്തിലെ എ.ഇ.എസ് കോളജ് അമ്പലപ്പുഴ (100 കിടക്ക), പുറക്കാട് എസ്.എൻ.എം.എച്ച്.എസ്.എസ് ഓഡിറ്റോറിയം (200 കിടക്ക), കോടംതുരുത്ത് പഞ്ചായത്തിലെ ഗവൺമെന്‍റ് എൽ.പി.എസ് കോടംതുരുത്ത് (50 കിടക്ക), താമരക്കുളം പഞ്ചായത്തിലെ നീലാംബരി ട്രസ്റ്റ് ആശുപത്രി (45 കിടക്ക),