ആലപ്പുഴ: ദേശീയ ജനസംഖ്യാ രജിസ്‌റ്റർ തയ്യാറാക്കാനുള്ള എന്യൂമറേഷൻ കേരളം നടത്തില്ലെന്നത്‌ മനസിൽ വച്ചുവേണം അധ്യാപകർ സെൻസസ്‌ പ്രവർത്തനങ്ങളിൽ ഏർപ്പെടാനെന്ന്‌ മുഖ്യമന്ത്രി പിണറായി വിജയൻ പറഞ്ഞു. നാടിന്‍റെ പ്രതികരണശേഷി ഇല്ലാതാക്കാൻ ഗൂഢാലോചന നടക്കുന്നുണ്ടെന്നും ഇതിനെ ഗൗരവമായി കാണണമെന്നും അദ്ദേഹം പറഞ്ഞു. സെൻസസ്‌ എല്ലാ കാലത്തും അംഗീകരിച്ചിട്ടുണ്ട്‌. സെൻസസിൽ വീടുമായി ബന്ധപ്പെട്ട വിവരങ്ങൾ മാത്രം എടുത്താൽ മതി. അന്തേവാസികളുടെ വയസ്‌, പേര്‌ എന്നിവയെടുക്കുന്നതിൽ തെറ്റില്ല. ഇവയെല്ലാം ദേശീയ ജനസംഖ്യാ രജിസ്‌റ്ററിന്‍റെ ഭാഗമല്ല. സെൻസസിന്‍റെ ഭാഗമാണ്‌. ആ വിവരങ്ങൾ മാത്രം എടുക്കുന്ന സെൻസസ്‌ പ്രവർത്തനമാണ്‌ നടത്തേണ്ടത്‌.
സെൻസസ്‌ പ്രവർത്തനങ്ങൾ ശ്രദ്ധയോടെ വേണമെന്ന് മുഖ്യമന്ത്രി