ആലപ്പുഴ:കൈക്കൂലി കേസിൽ ആരോപണവിധേയനായ ആലപ്പുഴ നഗരസഭാ ചെയർമാന്‍റെ രാജി ആവശ്യപ്പെട്ട് പ്രതിപക്ഷ പ്രതിഷേധം. നഗരസഭാ കൗൺസിൽ യോഗം ബഹിഷ്കരിച്ച പ്രതിപക്ഷം ഉപരോധസമരം നടത്തി. കൈക്കൂലി കേസിൽ ആരോപണ വിധേയനായ നഗരസഭാ ചെയർമാൻ ഇല്ലിക്കൽ കുഞ്ഞുമോൻ രാജിവെയ്ക്കണമെന്ന് ആവശ്യപ്പെട്ടാണ് പ്രതിപക്ഷം കൗൺസിൽ യോഗം ബഹിഷ്ക്കരിച്ചത്. യോഗം ആരംഭിച്ചപ്പോൾ തന്നെ പ്രതിപക്ഷ കൗൺസിലർമാർ പ്രതിഷേധവുമായി എഴുന്നേറ്റു. ഇത് ഭരണകക്ഷി അംഗങ്ങൾ ചോദ്യം ചെയ്തത് വാക്കേറ്റത്തിനും ബഹളത്തിനും കാരണമായി. തുടർന്ന് പ്രതിപക്ഷാംഗങ്ങൾ കൗൺസിൽ യോഗം ബഹിഷ്ക്കരിച്ച് ഇറങ്ങിപ്പോവുകയായിരുന്നു. ചട്ടവിരുദ്ധമായി കൗൺസിൽ ചേരാൻ കൂട്ടുനിന്നെന്ന് ആരോപിച്ച് നഗരസഭാ സെക്രട്ടറിയെ ഇടത് അംഗങ്ങൾ പൂട്ടിയിട്ടു.
രാജി ആവശ്യപ്പെട്ട് പ്രതിപക്ഷ സമരം; അംഗങ്ങൾ തമ്മിൽ കയ്യാങ്കളി