മനു സി.പുളിക്കലിന് വോട്ടഭ്യര്‍ഥിച്ച് 'സമ'യുടെ പ്രവര്‍ത്തകര്‍

സര്‍ക്കാരിന്‍റെ നേട്ടങ്ങള്‍ എടുത്ത് പറഞ്ഞാണ് ഡി.വൈ.എഫ്.ഐയുടെ വനിതാ കലാ സാംസ്‌ക്കാരിക വിഭാഗമായ സമയുടെ പ്രവര്‍ത്തകര്‍ പ്രചാരണം നടത്തിയത്

ആലപ്പുഴ: അരൂരില്‍ മനു സി.പുളിക്കലിന് വോട്ടഭ്യര്‍ഥിച്ച് ഡി.വൈ.എഫ്.ഐയുടെ വനിതാ കലാ സാംസ്‌ക്കാരിക വിഭാഗമായ സമയുടെ പ്രവര്‍ത്തകര്‍ പ്രചാരണം നടത്തി. സര്‍ക്കാരിന്‍റെ ഭരണ നേട്ടങ്ങളെയും മനു സി. പുളിക്കലിന്‍റെ നേതൃത്വത്തില്‍ ആലപ്പുഴ മെഡിക്കല്‍ കോളജില്‍ നടത്തുന്ന ഉച്ചഭക്ഷണ പദ്ധതിയും വിശദീകരിച്ചുക്കൊണ്ടായിരുന്നു പ്രചാരണം. പ്രചാരണ പ്രവർത്തനങ്ങൾക്ക് ഡി.വൈ.എഫ്.ഐ സംസ്ഥാന കമ്മിറ്റിയംഗങ്ങളായ ഗ്രീഷ്മ അജയഘോഷ്, രമ്യ രമണൻ എന്നിവർ നേതൃത്വം നൽകി.