പുതുവര്‍ഷത്തെ വരവേല്‍ക്കാനൊരുങ്ങി ബീച്ച് ഫെസ്റ്റ് - minister g sudhakaran
ജില്ലാ ടൂറിസം പ്രൊമോഷൻ കൗൺസിലും നെഹ്‌റു യുവ കേന്ദ്രയും ആലപ്പുഴ വുമൺ ഇനിഷിയേറ്റിവുമായി ചേർന്ന് ആരംഭിച്ച ഹോം മെയ്‌ഡ് കേക്ക് ആൻഡ് ചോക്ലേറ്റ് ഫെസ്റ്റും ആരംഭിച്ചു
ബീച്ച് ഫെസ്റ്റിന് തുടക്കമായി
ആലപ്പുഴ : പുതുവർഷത്തെ വരവേൽക്കാനായി ജില്ലാ ഭരണകൂടവും ജില്ലാ ടൂറിസം പ്രമോഷൻ കൗൺസിലും ചേർന്ന് സംഘടിപ്പിക്കുന്ന ആലപ്പുഴ ബീച്ച് ഫെസ്റ്റിന് തുടക്കമായി. പൊതുമരാമത്ത് മന്ത്രി ജി. സുധാകരൻ ഫെസ്റ്റ് ഉദ്ഘാടനം ചെയ്തു. പുതുതലമുറയ്ക്ക് മറ്റു സ്ഥലങ്ങളിൽ പോകാതെ പുതുവർഷം ആഘോഷിക്കാൻ സാധിക്കുന്നത് ബീച്ച് ഫെസ്റ്റിന്‍റെ വലിയ വിജയമാണെന്ന് മന്ത്രി പറഞ്ഞു. ജില്ലാ ടൂറിസം പ്രൊമോഷൻ കൗൺസിലും നെഹ്‌റു യുവ കേന്ദ്രയും ആലപ്പുഴ വുമൺ ഇനിഷിയേറ്റിവുമായി ചേർന്ന് ആരംഭിച്ച ഹോം മെയ്‌ഡ് കേക്ക് ആൻഡ് ചോക്ലേറ്റ് ഫെസ്റ്റിന്‍റെ ഉദ്ഘാടനം ജില്ലാ കലക്ടർ എം. അഞ്ജന നിർവഹിച്ചു. ജില്ലാ പഞ്ചായത്ത് പ്രസിഡന്‍റ് ജി.വേണുഗോപാൽ ചടങ്ങില്‍ അധ്യക്ഷത വഹിച്ചു. ഡിറ്റിപിസി സെക്രട്ടറി എം. മാലിൻ എന്നിവര്‍ പങ്കെടുത്തു. നാലു ദിവസം നീണ്ടു നിൽക്കുന്ന ബീച്ച് ഫെസ്റ്റ് പുതുവത്സരാഘോഷത്തോടെ സമാപിക്കും.