ആലപ്പുഴ : കായംകുളത്ത് ക്വട്ടേഷന്‍ സംഘങ്ങൾ തമ്മിലുള്ള കുടിപ്പകയില്‍ വടിവാളുമായി വീട്ടിലെത്തി ഭീകരാന്തരീക്ഷം സൃഷ്ടിച്ചു. ഒട്ടനവധി ക്രിമിനൽ കേസിലെ പ്രതിയായ ആഷിക്കിന്‍റെ വീട്ടിലാണ് ക്വട്ടേഷന്‍ സംഘങ്ങൾ വടിവാളുമായി എത്തിയത്. പുലർച്ചെ നാലുമണിയോടെ മതിൽ ചാടിക്കടന്ന് എത്തിയ സംഘം വടിവാളുപയോഗിച്ചു കതകും ജനാലയിലും വെട്ടി. ഇവർ നേരത്തെ ഒരുമിച്ചാണ് ക്വട്ടേഷന്‍ പരിപാടികളിൽ ഏർപ്പെട്ടിരുന്നത്. എന്നാല്‍ തമ്മിൽ തെറ്റിയ ശേഷം അക്രമങ്ങൾ പതിവായിരുന്നെന്ന് കായംകുളം പൊലീസ് പറഞ്ഞു.
കൊട്ടേഷൻ സംഘങ്ങളുടെ കുടിപ്പക: കായംകുളത്ത് വീടു കയറി ആക്രമണം