ആലപ്പുഴ: ഭക്ഷ്യവിഷബാധയെ തുടർന്ന് കായംകുളം ടൗണ് എൽപി സ്കൂളിലെ വിദ്യാർഥികളെ ആശുപത്രിയിൽ പ്രവേശിപ്പിച്ചു. 16 വിദ്യാര്ഥികളാണ് കായംകുളം താലൂക്ക് ആശുപത്രിയില് ചികിത്സയിലുള്ളത്. ആരുടേയും നില ഗുരുതരമല്ല.
ഇന്നലെ രാത്രി തുടർച്ചയായ ചര്ദ്ദിയും വയറു വേദനയും വയറിളക്കവും അനുഭവപ്പെട്ടതിനെ തുടർന്നാണ് കുട്ടികൾ ആശുപത്രിയിൽ ചികിത്സ തേടിയത്. വൈദ്യ പരിശോധനയിൽ കുട്ടികൾക്ക് ഭക്ഷ്യവിഷബാധ ഏറ്റതായി കണ്ടെത്തി. സംഭവത്തില് നഗരസഭയുടെ ആരോഗ്യ വിഭാഗം അന്വേഷണം ആരംഭിച്ചതായി കായംകുളം നഗരസഭാധ്യക്ഷ പി ശശികല പറഞ്ഞു.