ടോക്കിയോ :പാരാലിമ്പിക്‌സിൽ ഞായറാഴ്‌ച ഇന്ത്യയുടെ മെഡൽ കൊയ്‌ത്ത്. ഡിസ്കസ് ത്രോ ക്ലാസ് എഫ് 52ൽ വിനോദ് കുമാറാണ് വെങ്കല മെഡൽ സ്വന്തമാക്കിയത്.
19.91 മീറ്റർ ദൂരം കണ്ടെത്തിയ താരം ഏഷ്യൻ റെക്കോഡോടെയാണ് മെഡൽ സ്വന്തമാക്കിയത്. എറിഞ്ഞ ആറ് ശ്രമങ്ങളിൽ അഞ്ചാമത്തെ ശ്രമത്തിലാണ് താരം മികച്ച ദൂരം കണ്ടെത്തിയത്.
ഈയിനത്തിൽ പോളണ്ടിന്‍റെ പ്യോട്ടർ കോസെവിച്ച് 20.02 മീറ്റർ ദൂരം കണ്ടെത്തി സ്വർണ മെഡൽ സ്വന്തമാക്കി. ക്രൊയേഷ്യയുടെ വെലിമിർ സാണ്ടർക്കാണ് വെള്ളി.