ടോക്കിയോ: ഒളിമ്പിക്സിൽ വനിതകളുടെ ഗോൾഫ് മത്സരത്തിന്‍റെ രണ്ടാം റൗണ്ടില്‍ ഇന്ത്യയുടെ അതിഥി അശോക് രണ്ടാം സ്ഥാനത്ത് തുടരുന്നു. ഡെന്മാര്‍ക്ക് താരങ്ങളായ നാനാ കോർസ്റ്റ് മാഡ്സണ്‍, എമിലി ക്രിസ്റ്റിൻ പെഡേഴ്സൺ എന്നിവരും ലോക 200-ാം നമ്പറായ അതിഥിക്കൊപ്പം രണ്ടാം സ്ഥാനത്തുണ്ട്.
ആദ്യ റൗണ്ടില്‍ അതിഥിക്കൊപ്പമുണ്ടായിരുന്ന അമേരിക്കയുടെ ലോക ഒന്നാം നമ്പര്‍ താരം നെല്ലി കോർഡ ഒന്നാം സ്ഥാനത്തേക്ക് കയറി. എന്നാല്‍ ഒന്നാം സ്ഥാനത്തുണ്ടായിരുന്ന സ്വീഡന്‍റെ മാഡ്ലീന്‍ സാഗ്‌സോട്രോം അഞ്ചാമതെത്തി.