ടോക്കിയോ: ടോക്കിയോ ഒളിമ്പിക്‌സിലെ വനിത ഹോക്കിയിൽ ഇന്ത്യക്ക് തോൽവി. ശക്തരായ ഇന്ത്യൻ ടീമിനെ 5-1 എന്ന വലിയ മാർജിനിൽ നെതർലാൻഡാണ് കീഴടക്കിയത്.
ആദ്യ പകുതിയിൽ ഇരു ടീമുകളും 1-1 എന്ന സ്കോറിലാണ് കളി അവസാനിപ്പിച്ചത്. ഇന്ത്യൻ ക്യാപ്റ്റൻ റാണി രാംപാലാണ് 10-ാം മിനിട്ടിൽ ഇന്ത്യക്കായി ഗോൾ നേടിയത്.
എന്നാൽ രണ്ടാം പകുതിയിൽ ഇന്ത്യയെ നെതർലൻഡ് തകർത്തെറിഞ്ഞു. തുടർച്ചയായ ആക്രമണങ്ങളിലൂടെ ഇന്ത്യൻ ഗോൾ മുഖത്തേക്കെത്തിയ നെതർലാൻഡ് രണ്ടാം പകുതിയിൽ നാല് ഗോളുകൾ കൂടി നേടി കളി തങ്ങളുടെ വരുതിയിലാക്കുകയായിരുന്നു.
ALSO READ: 'ഇതിനെക്കാൾ മികച്ചൊരു തുടക്കം ലഭിക്കാനില്ല', ചാനുവിന് അഭിനന്ദനവുമായി പ്രധാനമന്ത്രി
ജർമ്മനി (26 ജൂലൈ), ഗ്രേറ്റ് ബ്രിട്ടൻ (28 ജൂലൈ), അയർലൻഡ് (30 ജൂലൈ ), ദക്ഷിണാഫ്രിക്ക (31 ജൂലൈ) എന്നീ രാജ്യങ്ങളുമായാണ് ഇന്ത്യൻ വനിത ടീമിന്‍റെ അടുത്ത മത്സരങ്ങൾ.
