ടോക്കിയോ: 41 വർഷത്തിന് ശേഷം ഒളിമ്പിക്സ് ഹോക്കി സെമിഫൈനലിൽ പ്രവേശിച്ച് ഇന്ത്യ. പുരുഷവിഭാഗം ക്വാർട്ടർ ഫൈനലിൽ ശക്‌തരായ ഗ്രേറ്റ് ബ്രിട്ടനെ 3-1ന് തകർത്താണ് ഇന്ത്യ വിജയം സ്വന്തമാക്കിയത്.
ഏഴാം മിനിറ്റില്‍ ദില്‍പ്രീത് സിങ്ങും, 16-ാം മിനിറ്റില്‍ ഗുജ്‌റന്ത് സിങ്ങും, 57-ാം മിനിട്ടിൽ ഹാദിക് സിങുമാണ് ലക്ഷ്യം കണ്ടത്. 45-ാം മിനിറ്റില്‍ ബ്രിട്ടിന്‍ ഒരു ഗോള്‍ തിരിച്ചടിച്ചു. ഇയാന്‍ സാമുവല്‍ വാര്‍ഡാണ് ലക്ഷ്യം കണ്ടത്. മലയാളിയായ ഗോൾകീപ്പർ പി.ആർ. ശ്രീജേഷിന്‍റെ തകർപ്പൻ സേവുകളാണ് മത്സരത്തിൽ ഇന്ത്യയ്ക്ക് തുണയായത്. സ്പെയിനെ തോൽപ്പിച്ചെത്തുന്ന ബെൽജിയമാണ് സെമിയിൽ ഇന്ത്യയുടെ എതിരാളി.