അമ്പെയ്‌ത്ത് : എലിമിനേഷൻ റൗണ്ടിൽ ദീപിക കുമാരിക്ക് വിജയം

ഭൂട്ടാന്‍ താരം കര്‍മക്കെതിരെ നേരിട്ടുള്ള സെറ്റുകൾക്കാണ് ദീപികയുടെ വിജയം

ടോക്കിയോ : ടോക്കിയോ ഒളിമ്പിക്‌സിൽ ഇന്ത്യൻ മെഡൽ പ്രതീക്ഷയായ ദീപിക കുമാരി വനിതകളുടെ വ്യക്തിഗത അമ്പെയ്‌ത്തിൽ എലിമിനേഷൻ റൗണ്ടിൽ വിജയിച്ചു. ഭൂട്ടാന്‍ താരം കര്‍മയെയാണ് ദീപിക കീഴടക്കിയത്.

നേരിട്ടുള്ള സെറ്റുകൾക്കാണ് ദീപികയുടെ വിജയം. സ്കോർ 6-0. ആദ്യ രണ്ട് സെറ്റുകൾ 26-23 നും മൂന്നാം സെറ്റ് 27-24 നുമാണ് ദീപിക നേടിയത്.

നേരത്തെ അമ്പെയ്ത്തില്‍ പുരുഷന്മാരുടെ വ്യക്തിഗത വിഭാഗത്തില്‍ ഇന്ത്യന്‍ പ്രതീക്ഷയായിരുന്ന പ്രവീണ്‍ യാദവ് പ്രീക്വാർട്ടറിൽ പുറത്തായിരുന്നു. യുഎസിന്‍റെ ലോക ഒന്നാം നമ്പര്‍ താരം ബ്രാഡി എലിസണോട് നേരിട്ടുള്ള സെറ്റുകൾക്കാണ് പ്രവീണ്‍ കീഴടങ്ങിയത്.