വാഷിങ്‌ടണ്‍: റോജർ ഫെഡറർക്കും, ഡൊമിനിക്ക് തീമിനും പിന്നാലെ ഈ വർഷത്തെ യു.എസ് ഓപ്പണ്‍ ടെന്നിസിൽ നിന്ന് റാഫേൽ നദാലും പിൻമാറി. കാൽപാദത്തിനേറ്റ പരിക്കിനെ തുടർന്നാണ് താരത്തിന്‍റെ പിൻമാറ്റം. ലോക മൂന്നാം നമ്പർ താരമായ നദാൽ ഇതുവരെ 20 ഗ്രാൻഡ്സ്ലാം കിരീടങ്ങൾ സ്വന്തമാക്കിയിട്ടുണ്ട്. നാല് യു.എസ് ഓപ്പണുകളും അതിൽ ഉൾപ്പെടും
കഴിഞ്ഞ കുറച്ചു വർഷങ്ങളായി പരിക്ക് അലട്ടുന്നുണ്ട്. പരിക്കിൽ നിന്ന് മുക്തനായി തിരിച്ചുവരാൻ സമയമെടുക്കും. തുടർന്നുള്ള വർഷങ്ങളിലെ മികച്ച പ്രകടനത്തിനായാണ് 2021 സീസണ്‍ അവസാനിപ്പിക്കാൻ തീരുമാനിച്ചത്, താരം സോഷ്യൽ മീഡിയയിലൂടെ അറിയിച്ചു.