ആംസ്റ്റല്‍വീന്‍ (നെതര്‍ലന്‍ഡ്‌സ്): വനിത ഹോക്കി ലോകകപ്പില്‍ ഇന്ത്യയ്ക്ക് വീണ്ടും സമനില. പൂള്‍ ബിയിലെ തങ്ങളുടെ രണ്ടാം മത്സരത്തില്‍ ചൈനയോടാണ് ഇന്ത്യ സമനില വഴങ്ങിയത്. ഓരോ ഗോളുകള്‍ വീതം നേടിയാണ് ഇരു ടീമുകളും പിരിഞ്ഞത്.
ചൈനയ്‌ക്കായി ഷെങ് ജിയാലിയും ഇന്ത്യയ്‌ക്കായി വന്ദന കടാരിയയും ലക്ഷ്യം കണ്ടു. മത്സരത്തിന്‍റെ 25-ാം മിനുട്ടില്‍ മുന്നിലെത്തിയ ചൈനയ്‌ക്ക് 44-ാം മിനുട്ടിലാണ് വന്ദനയിലൂടെ ഇന്ത്യ മറുപടി നല്‍കിയത്. ഇംഗ്ലണ്ടിന് എതിരായ ആദ്യ മത്സരത്തിലും ഇന്ത്യ 1-1ന് സമനില വഴങ്ങിയിരുന്നു.