ലിസ്‌ബണ്‍:യുവേഫ നേഷന്‍സ് ലീഗില്‍ ആദ്യ ജയം തേടി പോര്‍ച്ചുഗലും, സ്‌പെയിനും ഇന്നിറങ്ങും. ക്രിസ്‌റ്റ്യാനോ റൊണാള്‍ഡോയുടെ പറങ്കിപ്പടയ്‌ക്ക് ചെക്ക് റിപ്പബ്ലിക്കിനോട് തോറ്റെത്തുന്ന സ്വിറ്റ്സര്‍ലന്‍ഡാണ് എതിരാളികള്‍. ആദ്യ കളിയില്‍ സമനില വഴങ്ങിയ പോര്‍ച്ചുഗലിന് ഇന്നത്തെ മത്സരത്തില്‍ ജയം അനിവാര്യമാണ്.
ആദ്യ മത്സരത്തില്‍ പാളിപ്പോയ തന്ത്രങ്ങള്‍ മാറ്റി പരീക്ഷിക്കാനാകും പോര്‍ച്ചുഗല്‍ പരിശീലകന്‍ ഫെര്‍ണാണ്ടോസ് സാന്‍റോസ് ശ്രമിക്കുക. റൊണാള്‍ഡോയ്‌ക്കൊപ്പം ഡിയോഗോ ജോട്ടയും മുന്നേറ്റ നിരയിലേക്കിന്ന് തിരിച്ചെത്തിയേക്കും. മധ്യ നിരയിലെ ബ്രൂണോ ഫെര്‍ണാണ്ടസിന്‍റെയും, ബെര്‍ണാഡോ ഡി സില്‍വയുടെയും പ്രകടനവും ഇന്ന് നിര്‍ണായകമാണ്.