ന്യൂഡല്‍ഹി: ഇന്ത്യൻ താരങ്ങൾക്കും ഒഫീഷ്യലുകൾക്കും ജാപ്പനീസ് സർക്കാർ ഏർപ്പെടുത്തിയ കടുത്ത നിന്ത്രണങ്ങള്‍ക്കെതിരെ പ്രതിഷേധവുമായി ഇന്ത്യൻ ഒളിമ്പിക് അസോസിയേഷൻ (ഐ‌എ‌എ). സംഘാടകരുടേത് ശരിയായ നടപടിയല്ലെന്നും വിവേചനമാണെന്നും ചൂണ്ടിക്കാട്ടി ഐ‌എ‌എ പ്രസിഡന്‍റ് നരീന്ദർ ബാത്ര, സെക്രട്ടറി ജനറൽ രാജീവ് മേത്ത എന്നിവര്‍ ഒളിമ്പിക് കമ്മറ്റിക്ക് കത്തെഴുതിയിട്ടുണ്ട്.
രാജ്യത്തെത്തിയത് മുതല്‍ ഇന്ത്യന്‍ അത്ലറ്റുകള്‍ മറ്റ് രാജ്യങ്ങളില്‍ നിന്നെത്തിയവരുമായി ഇടപഴുകരുത്. മത്സരങ്ങള്‍ ആരംഭിക്കുന്നതിന് അഞ്ച് ദിവസങ്ങള്‍ക്ക് മുമ്പ് മാത്രമേ ഇന്ത്യന്‍ കായിക താരങ്ങൾക്ക് ഗെയിംസ് വില്ലേജിൽ പ്രവേശനാനുമതിയൊള്ളു. തുടങ്ങിയ ഒളിമ്പിക് കമ്മറ്റിയുടെ നിയന്ത്രണങ്ങളാണ് ഐ‌എ‌എ ചൊടിപ്പിച്ചത്.