തൃശൂര്‍: ഫുട്‌ബാള്‍ ലോകകപ്പ് അവലോകനം നടത്തി വൈറലായ ഒന്നാം ക്ളാസുകാരനുണ്ട് തൃശൂരില്‍. അമ്മാടം വെങ്ങിണിശ്ശേരി സ്വദേശി റാദിന് റെനീഷാണ് കക്ഷി. പോർച്ചുഗല്‍ ടീമിന്‍റെ കട്ട ഫാന്‍ ആണെങ്കിലും, ഇത്തവണ ബ്രസീല്‍ കിരീടമുയർത്തുമെന്നാണ് ഈ ആറു വയസ്സുകാരന്‍റെ പ്രവചനം.
ഖത്തര്‍ ലോകകപ്പ് അവലോകനവും പ്രവചനവും നടത്തി റാദിന് റെനീഷ്
തൃശൂർ വെങ്ങിണിശ്ശേരി ഗുരുകുലം പബ്ലിക് സ്കൂളിലെ ഒന്നാം ക്ലാസ് വിദ്യാര്‍ഥിയായ റാദിന് റെനീഷ് ഇതൊന്നും വെറുതെ പറയുന്നതല്ല. ഖത്തര്‍ ലോകകപ്പില്‍ കളിക്കുന്ന ടീമുകളെത്ര, ഇതില്‍ ഓരോ ടീമിലും കളിക്കുന്ന താരങ്ങള്‍ ആരെല്ലാം, എത്ര ഗ്രൂപ്പുകളുണ്ട്, ഗ്രൂപ്പ് തിരിച്ചുള്ള ടീമുകള്‍ ഏതെല്ലാം തുടങ്ങി എല്ലാം റാദിന് കൃത്യമായി എണ്ണിയെണ്ണി പറയും.