റിയൊ ഡി ജനീറോ: ഖത്തര്‍ ലോകകപ്പിനുള്ള ബ്രസീല്‍ ടീമിനെ കഴിഞ്ഞ ദിവസമാണ് പ്രഖ്യാപിച്ചത്. നെയ്‌മര്‍ അടക്കമുള്ള പ്രമുഖ താരങ്ങളെയെല്ലാം ഉള്‍പ്പെടുത്തി 26 അംഗ ടീമിനെയാണ് പരിശീലകന്‍ ടിറ്റെ പ്രഖ്യാപിച്ചിരിക്കുന്നത്. പരിക്കേറ്റ ഫിലിപ്പെ കുടീഞ്ഞോയ്‌ക്ക് ടീമില്‍ ഇടം ലഭിച്ചില്ല.
ടീമില്‍ ഇടം പിടിച്ച പകുതിയോളം പേര്‍ ഇംഗ്ലീഷ് ക്ലബുകള്‍ക്കായി പന്തു തട്ടുന്നവരാണ്. 26ല്‍ 12 താരങ്ങളാണ് വിവിധ ഇംഗ്ലീഷ് ക്ലബുകള്‍ക്കായി കളിക്കുന്നത്. ഇതാദ്യമായാണ് ഇംഗ്ലണ്ടില്‍ കളിക്കുന്ന ഇത്രയും താരങ്ങള്‍ ഒരേ സമയം ബ്രസീലിന്‍റെ ലോകകപ്പ് സ്ക്വാഡില്‍ ഇടം പിടിക്കുന്നത്. മൂന്ന് താരങ്ങളാണ് ബ്രസീലില്‍ തന്നെയുള്ള ക്ലബുകള്‍ക്കായി കളിക്കുന്നത്. ബാക്കിയുള്ള താരങ്ങള്‍ ഫ്രഞ്ച് ലീഗ്, ലാ ലിഗ, മെക്‌സിക്കന്‍ ലീഗ് എന്നിവയില്‍ കളിക്കുന്നവരാണ്.
ബ്രസീല്‍ സ്ക്വാഡിലെ താരങ്ങളേയും അവരുടെ ക്ലബുകളുമറിയാം