പാരീസ്: കൊവിഡ് മുക്തനായ പിഎസ്‌ജിയുടെ അര്‍ജന്‍റൈന്‍ സൂപ്പര്‍ സ്റ്റാര്‍ ലയണല്‍ മെസിക്ക് ഫ്രാന്‍സിസ് മാര്‍പാപ്പയുടെ സ്നേഹ സമ്മാനം. ഫുട്‌ബോള്‍ ആരാധകനായ ഫ്രാന്‍സിസ് മാര്‍പാപ്പ ഒപ്പിട്ട ജേഴ്‌സിയാണ് മെസിക്ക് സമ്മാനിച്ചത്.
അത്ലറ്റിക്ക വത്തിക്കാനയുടെ മഞ്ഞ നിറത്തിലുള്ള ജേഴ്‌സിയാണ് താരത്തിന്‍റെ നാട്ടുകാരന്‍ കൂടിയായ മാർപാപ്പ സമ്മാനിച്ചതെന്ന് വത്തിക്കാന്‍ സ്‌പോര്‍ട്‌സ് അസോഷിയേഷന്‍ അറിയിച്ചു. ഫ്രഞ്ച് ബിഷപ്പ് ഇമ്മാനുവേല്‍ ഗോബിലിയാര്‍ഡാണ് മെസിക്ക് ജേഴ്‌സി നല്‍കിയത്.