ഹെൽസിങ്കി (ഫിൻലൻഡ്‌) : ജാവലിന്‍ ത്രോയില്‍ ദേശീയ റെക്കോഡ് തിരുത്തിക്കുറിച്ച് ഒളിമ്പിക് ചാമ്പ്യന്‍ നീരജ് ചോപ്ര. പാവോ നുർമി ഗെയിംസിൽ 89.30 മീറ്റർ എറിഞ്ഞാണ് സ്വന്തം പേരിലുള്ള റെക്കോഡ് നീരജ് തിരുത്തിയത്. പ്രകടനത്തോടെ വെള്ളി മെഡല്‍ സ്വന്തമാക്കാനും 24കാരനായ നീരജിന് കഴിഞ്ഞു.
താരത്തിന്‍റെ ഈ വർഷത്തെ ഏറ്റവും മികച്ച അഞ്ചാമത്തെ ത്രോയാണിത്. കഴിഞ്ഞ വർഷം മാർച്ചിൽ പട്യാലയിൽ സ്ഥാപിച്ച 88.07 മീറ്ററായിരുന്നു നേരത്തെയുള്ള ദേശീയ റെക്കോഡ്. 2020 ടോക്കിയോ ഒളിമ്പിക്‌സില്‍ 87.58 മീറ്റർ എറിഞ്ഞ താരം സ്വര്‍ണം നേടിയിരുന്നു.