മാഡ്രിഡ്: ലാ ലിഗയിൽ കുഞ്ഞൻമാരായ ലെവന്‍റെയെ നിഷ്‌പ്രഭമാക്കി റയൽ മാഡ്രിഡ്. ഇന്ന് നടന്ന മത്സരത്തിൽ എതിരില്ലാത്ത ആറ് ഗോളുകൾക്കാണ് റയൽ മാഡ്രിഡ് തകർപ്പൻ ജയം സ്വന്തമാക്കിയത്. ഹാട്രിക് ഗോൾ നേടിയ വിനീഷ്യസ് ജൂനിയറാണ് റയലിന് അനായാസ ജയം സമ്മാനിച്ചത്.
45, 68, 63 മിനിട്ടുകളിലാണ് വിനീഷ്യസ് ഹാട്രിക് നേട്ടം പൂർത്തിയാക്കിയത്. ആദ്യ പകുതിയിലാണ് മത്സരത്തിലെ നാല് ഗോളുകളും പിറന്നത്. 13-ാം മിനിട്ടിൽ ഫെർലാൻഡ് മെൻഡിയാണ് മത്സരത്തിലെ ആദ്യ ഗോൾ സ്വന്തമാക്കിയത്. പിന്നാലെ 19-ാം മിനിട്ടിൽ കരിം ബെൻസെമ രണ്ടാം ഗോൾ നേടി. തുടർന്ന് 34-ാം മിനിട്ടിൽ റോഡ്രിഗോയുടെ വകയായിരുന്നു മത്സരത്തിലെ മൂന്നാം ഗോൾ.