തിലക് മൈതാൻ: ഇന്ത്യൻ പ്രീമിയർ ലീഗിൽ ഇന്ന് നടക്കേണ്ടിയിരുന്ന കേരള ബ്ലാസ്റ്റേഴ്‌സ്- മുംബൈ സിറ്റി മത്സരം മാറ്റവെച്ചു. ബ്ലാസ്റ്റേഴ്‌സ് ക്യാമ്പിലെ കൊവഡ് വ്യാപനത്തിന്‍റെ പശ്ചാത്തലത്തിലാണ് മത്സരം മാറ്റിവെയ്‌ക്കാൻ ഐ.എസ്.എൽ അധികൃതർ തീരുമാനിച്ചത്. പുതുക്കിയ തീയതി പിന്നീട് അറിയിക്കും.
ബ്ലാസ്റ്റേഴ്‌സ് നിരയിൽ ഇന്നത്തെ മത്സരത്തിൽ ഗ്രൗണ്ടിലിറങ്ങാൻ താരങ്ങളെ തികയില്ലെന്ന് വ്യക്തമാക്കിയ സാഹചര്യത്തിലാണ് മത്സരം മാറ്റിവെയ്‌ക്കുകയാണെന്ന് അറിയിപ്പ് ഉണ്ടായത്. മെഡിക്കൽ ടീമുമായി ചർച്ച നടത്തിയശേഷമാണ് അധികൃതർ തീരുമാനമെടുത്തത്.
കൊവിഡ് പടന്ന് പിടിച്ചതോടെ കടുത്ത ബയോബബിളിലാണ് താരങ്ങളെല്ലാം. താരങ്ങൾക്കും താമസിക്കുന്ന ഹോട്ടൽ സ്റ്റാഫുകൾക്കും കൊവിഡ് സ്ഥിരീകരിച്ചതിനാൽ ബ്ലാസ്റ്റേഴ്‌സ് താരങ്ങൾ കഴിഞ്ഞ രണ്ട് ദിവസമായി റൂമിന് പുറത്ത് ഇറങ്ങിയിട്ടില്ല. മൂന്ന് ദിവസത്തോളമായി പല ടീമുകളും പരിശീലനത്തിന് പോലും ഇറങ്ങുന്നില്ല.