കരാര്‍ പുതുക്കി ഹാമില്ട്ടണ്; ഈ സീസണിലും മേഴ്‌സിഡസിനൊപ്പം
കൊവിഡ് പിടിച്ചുലച്ച കഴിഞ്ഞ സീസണില്‍ ഫോര്‍മുല വണ്‍ ഇതിഹാസം മൈക്കള്‍ ഷുമാക്കറിന്‍റെ ഏഴ്‌ ചാമ്പ്യന്‍ഷിപ്പുകളെന്ന റെക്കോഡിനൊപ്പമെത്തിയ ഹാമില്ട്ടണ് ഷുമാക്കറിന്‍റെ തന്നെ 91 ജയങ്ങളെന്ന നേട്ടം മറികടന്നു
ഹാമില്ട്ടണ്
ലണ്ടന്‍: മേഴ്‌സിഡസുമായുള്ള കരാര്‍ പുതുക്കി ഫോര്‍മുല വണ്‍ ചാമ്പ്യനും ബ്രിട്ടീഷ് ഡ്രൈവറുമായി ലൂയിസ് ഹാമില്ട്ടണ്. 2021ലും ഹാമില്ട്ടണ് മേഴ്‌സിഡസിന് വേണ്ടി മത്സരിക്കും. തുടര്‍ച്ചയായ 10-ാം സീസണിലാണ് മേഴ്‌സിഡസിന് വേണ്ടി ഹാമില്ട്ടണ് ഡ്രൈവിങ് സീറ്റിലേക്കെത്തുന്നത്. ഫോര്‍മുല വണ്‍ കാറോട്ട രംഗത്ത് തകര്‍പ്പന്‍ ഫോമിലാണ് ഹാമില്ട്ടണ്. ഫോര്‍മുല വണ്‍ ഇതിഹാസം മൈക്കള്‍ ഷുമാക്കറിന്‍റെ 91 ജയങ്ങളെന്ന റെക്കോഡ് തകര്‍ത്ത ഹാമില്ട്ടണ് ഏഴ്‌ ചാമ്പ്യന്‍ഷിപ്പുകളെന്ന റെക്കോഡിനൊപ്പമെത്തുകയും ചെയ്‌തു.