ദോഹ : ഖത്തര്‍ ലോകകപ്പില്‍ സെനഗലിന്‍റെ 'ആദ്യ മത്സരത്തില്‍' സൂപ്പര്‍ ഫോര്‍വേഡ് സാദിയോ മാനെ കളിക്കില്ല. ജര്‍മന്‍ ക്ലബ് ബയേണ്‍ മ്യൂണിക്കിന്‍റെ താരമായ മാനെയ്‌ക്ക് കാലിനേറ്റ പരിക്കാണ് തിരിച്ചടിയായത്. പരിക്കില്‍ നിന്നും മോചിതനാവാത്ത മാനെയ്‌ക്ക് കൂടുതല്‍ വിശ്രമം ആവശ്യമാണെന്ന് സെനഗൽ സോക്കർ ഫെഡറേഷൻ ബോർഡ് അംഗം പറഞ്ഞു.
കരുത്തരായ നെതര്‍ലന്‍ഡ്‌സിനെയാണ് ഖത്തറിലെ ആദ്യ മത്സരത്തില്‍ സെനഗലിന് നേരിടേണ്ടത്. "ഞങ്ങള്‍ക്ക് സാദിയോ മാനെ ഇല്ലാതെ ആദ്യ മത്സരത്തില്‍ കളിക്കുകയും വിജയിക്കുകയും ചെയ്യേണ്ടതുണ്ട്. ആരും ആഗ്രഹിക്കുന്ന ഒന്നല്ലിത്.
പക്ഷെ അതാണ് സംഭവിച്ചത്. മാനെയല്ലാതെ ഞങ്ങള്‍ക്ക് 25 കളിക്കാരുണ്ട്" സെനഗൽ സോക്കർ ഫെഡറേഷൻ ബോർഡ് അംഗം പറഞ്ഞു. കൂടുതല്‍ മത്സരങ്ങളില്‍ മാനെ പുറത്തിരിക്കുമോയെന്ന കാര്യത്തില്‍ അദ്ദേഹം വ്യക്തമാക്കിയിട്ടില്ല.