മാഞ്ചസ്‌റ്റര്‍: ഇംഗ്ലീഷ് പ്രീമിയര്‍ ലീഗില്‍ വിജയവഴിയില്‍ തിരിച്ചെത്തി മാഞ്ചസ്‌റ്റര്‍ സിറ്റി. ബ്രൈറ്റണുയര്‍ത്തിയ ശക്തമായ വെല്ലുവിളി മറികടന്ന് ഒന്നിനെതിരെ മൂന്ന് ഗോളിന്‍റെ വിജയമാണ് പെപ് ഗാര്‍ഡിയോളയും സംഘവും എത്തിഹാദ് സ്‌റ്റേഡിയത്തില്‍ നേടിയത്. ഇരട്ട ഗോളുമായി എര്‍ലിങ് ഹാലന്‍ഡ് തിളങ്ങിയ മത്സരത്തില്‍ കെവിന്‍ ഡി ബ്രുയിന്‍ ഒരു ഗോളും നേടി.
മത്സരത്തിന്‍റെ 22-ാം മിനിട്ടിൽ എഡേഴ്‌സൺ നൽകിയ ലോങ് ബോളിൽ നിന്നായിരുന്നു ഹാലന്‍ഡ് ആദ്യ ഗോൾ നേടിയത്. ഹാലന്‍ഡിനെ തടയാന്‍ ബ്രൈറ്റണ്‍ ഡിഫന്‍സ് ശ്രമിച്ചെങ്കിലും ഫലമുണ്ടായില്ല. തുടര്‍ന്ന് 43-ാം മിനിട്ടില്‍ ലഭിച്ച പെനാല്‍റ്റി വലയിലെത്തിച്ച ഹാലന്‍ഡ് ആദ്യ പകുതിയില്‍ സിറ്റിയുടെ ലീഡ് രണ്ടാക്കി ഉയര്‍ത്തി.