ലണ്ടന്‍: ഇംഗ്ലീഷ് പ്രീമിയർ ലീഗിൽ ക്രിസ്റ്റൽ പാലസിനെതിരെ വമ്പന്മാരായ മാഞ്ചസ്റ്റർ സിറ്റിക്ക് സമനിലക്കുരുക്ക്. ഗോള്‍ രഹിത സമനിലയിലാണ് ഇരുസംഘവും പിരിഞ്ഞത്. ഇതോടെ രണ്ട് മാസങ്ങള്‍ക്ക് 13 പോയിന്‍റിന്‍റെ ലീഡില്‍ ഒന്നാം സ്ഥാനത്ത് കുതിച്ചിരുന്ന സിറ്റി രണ്ടാം സ്ഥാനക്കാരായ ലിവര്‍പൂളിനോട് അടുത്തു.
29 കളിയിൽ 70 പോയിന്‍റാണ് സിറ്റിക്കുള്ളത്. എന്നാല്‍ 28 മത്സരങ്ങളിൽ 66 പോയിന്‍റുമായി ലിവർപൂൾ തൊട്ടുപിന്നിലുണ്ട്. അവസാനം കളിച്ച എട്ട് മത്സരങ്ങളും ജയിച്ച് ലിവര്‍പൂള്‍ മിന്നുന്ന ഫോം പുലര്‍ത്തുന്നതോടെ കിരീടപ്പോരാട്ടം കൂടുതൽ ശക്തമാവും.