സ്റ്റാംഫോർഡ് ബ്രിഡ്‌ജ്: ചാമ്പ്യൻസ് ലീഗ് ക്വാർട്ടർ ഫൈനലിൽ ഇന്ന് സൂപ്പർ പോരാട്ടം. നിലവിലെ ജേതാക്കളായ ചെൽസി സ്‌പാനിഷ് വമ്പൻമാരായ റയൽ മാഡ്രിഡിനെ നേരിടും. കഴിഞ്ഞ സീസണിൽ തങ്ങളെ കീഴടക്കി ഫൈനലിലേക്ക് മുന്നേറിയ ചെൽസിയോട് പകരം വീട്ടാൻ റയലിനുള്ള സുവർണാവസരമാണിത്.
ഫ്രഞ്ച് ലീഗ് ചാമ്പ്യന്മാരായ ഇരുപാദങ്ങളിലുമായി ലില്ലയെ 4-1ന് തോൽപ്പിച്ചാണ് തോമസ് ടുഷലിന്‍റെ ടീം ക്വാർട്ടറിലെത്തിയത്‌. കഴിഞ്ഞ മത്സരത്തിൽ ക്രിസ്റ്റൽ പാലസിനോട് 4-1ന്‍റെ പരാജയം ഏറ്റുവാങ്ങിയാണ് ചെൽസിയുടെ വരവ്. ഹകിം സിയെച്ച്, കായ് ഹാവെര്‍ട്‌സ്, ക്രിസ്റ്റ്യന്‍ പുലിസിച്ച് എന്നിവരിലാണ് ബ്ലൂസിന്റെ ഗോള്‍ പ്രതീക്ഷ.
പിഎസ്‌ജിയെ മറികടന്നാണ് റയൽ മാഡ്രിഡ് ചാമ്പ്യൻസ് ലീഗ് ക്വാർട്ടർ ഫൈനലിലേക്ക് എത്തിയത്. ലാലിഗയിൽ ഒന്നാം സ്ഥാനത്തുള്ള റയൽ മാഡ്രിഡ് ചെൽസിയെ തോൽപ്പിക്കാം എന്ന ആത്മവിശ്വാസത്തിലാകും ഇന്നിറങ്ങുക. റയൽ മാഡ്രിഡ് നിരയിൽ പരിക്ക് കാരണം ഹസാർഡ് ഉണ്ടാകില്ല.