മെൽബണ്‍:ഓസ്ട്രേലിയൻ ഓപ്പണ്‍ ടെന്നീസ് ടൂർണമെന്‍റിൽ സ്പെയിനിന്‍റെ സൂപ്പർ താരം റാഫേൽ നദാൽ ക്വാർട്ടറിൽ പ്രവേശിച്ചു. പ്രീ ക്വാർട്ടറിൽ ഫ്രാൻസിന്‍റെ അഡ്രിയാൻ മന്നാറിന്നോയെ നേരിട്ടുള്ള സെറ്റുകൾക്ക് കീഴടക്കിയാണ് നദാൽ ക്വാർട്ടർ പ്രവേശനം ഉറപ്പിച്ചത്. സ്കോർ 7-6, 6-2, 6-2.
കരിയറിലെ 21-ാം ഗ്രാന്‍ഡ് സ്ലാം കിരീടം ലക്ഷ്യം വയ്‌ക്കുന്ന നദാൽ കരുത്തുറ്റ പ്രകടനമാണ് മത്സരത്തിലുടനീളം കാഴ്‌ചവെച്ചത്. ആദ്യ ഗെയിം ഇഞ്ചോടിഞ്ച് പോരാട്ടത്തിനൊടുവിലാണ് നദാൽ പിടിച്ചെടുത്തത്. എന്നാൽ അടുത്ത രണ്ട് ഗെയിമുകൾ അനായാസം നദാൽ സ്വന്തമാക്കുകയായിരുന്നു.