ന്യൂഡൽഹി : 75-ാമത് ദേശീയ ഫുട്‌ബോൾ ചാമ്പ്യൻഷിപ്പ് - സന്തോഷ് ട്രോഫിക്ക് ഏപ്രിൽ 16-ന് കേരളത്തിലെ മലപ്പുറം കോട്ടപ്പടി സ്റ്റേഡിയത്തിൽ തുടക്കമാകും. ആദ്യ മത്സരത്തിൽ പരമ്പരാഗത ശക്തികളായ പശ്ചിമ ബംഗാൾ പഞ്ചാബിനെ നേരിടും. മഞ്ചേരി പയ്യനാട് സ്റ്റേഡിയം, കോട്ടപ്പടി സ്റ്റേഡിയം എന്നീ വേദികളിലാണ് എല്ലാ മത്സരങ്ങളും നടക്കുക.
കേരളത്തിന്‍റെ ആദ്യ മത്സരം ഏപ്രില്‍ 16-ന് രാത്രി എട്ടിന് മലപ്പുറം മഞ്ചേരി പയ്യനാട് സ്റ്റേഡിയത്തില്‍ നടക്കും. രാജസ്ഥാനാണ് എതിരാളികള്‍. ഏപ്രില്‍ 18-ന് പശ്ചിമ ബംഗാളിനെതിരെയാണ് കേരളത്തിന്‍റെ രണ്ടാം മത്സരം. ഏപ്രില്‍ 20-ന് മേഘാലയയും ഏപ്രില്‍ 22-ന് പഞ്ചാബുമാണ് എതിരാളികള്‍. എല്ലാ മത്സരങ്ങളും രാത്രി എട്ടിന് പയ്യനാട് സ്റ്റേഡിയത്തിലാണ് നടക്കുക.