ഇന്ത്യ-ജർമ്മനി ഹോക്കി; തുടർച്ചയായ മൂന്നാം മത്സരവും തോറ്റ് ഇന്ത്യൻ വനിതാ ടീം

നാല്‌ മത്സരങ്ങളുള്ള ടൂർണമെന്‍റിൽ കഴിഞ്ഞ രണ്ട് മത്സരങ്ങളിലും ഇന്ത്യ തോൽവി വഴങ്ങിയിരുന്നു.

ഡസൽഡോർഫ്: ജർമ്മനിക്കെതിരായ മൂന്നാം മത്സരത്തിൽ ഇന്ത്യൻ വനിതാ ടീം 0-2 ന് തോൽവി വഴങ്ങി. സോൺജ സിമ്മർമാൻ (26 '), ഫ്രാൻസിസ്ക ഹോക്ക് (42') എന്നിവരാണ് ജർമ്മനിക്ക് വേണ്ടി ഗോളുകൾ നേടിയത്. നാല്‌ മത്സരങ്ങളുള്ള ടൂർണമെന്‍റിൽ കഴിഞ്ഞ രണ്ട് മത്സരങ്ങളിലും ഇന്ത്യ തോൽവി വഴങ്ങിയിരുന്നു.

ആദ്യ മത്സരത്തിൽ 0-5 നും രണ്ടാം മത്സരത്തിൽ 0-1 നും ആയിരുന്നു ഇന്ത്യയുടെ തോൽവി. വ്യാഴാഴ്‌ചയാണ് ടൂർണമെന്‍റിലെ അവസാന മത്സരം. അതേ സമയം ഇന്ന് നടന്ന ഇന്ത്യ- ജർമനി പുരുഷ ഹോക്കി മത്സരം സമനിലയിൽ അവസാനിച്ചു. ആദ്യ മത്സരത്തിൽ 6-0 ന് ആണ് ഇന്ത്യൻ പുരുഷ ടീം ജർമനിയെ തകർത്തത്.