ധാക്ക: ഏഷ്യൻ ചാമ്പ്യൻസ് ട്രോഫി പുരുഷ ഹോക്കിയിലെ ആദ്യ മത്സരത്തിൽ കൊറിയക്കെതിരെ ഇന്ത്യക്ക് സമനില. മത്സരത്തിൽ ഇന്ത്യയും കൊറിയയും രണ്ട് വീതം ഗോളുകൾ നേടി. ഒരു ഘട്ടത്തിൽ 2-0 ന് മുന്നിലായിരുന്നു നിലവിലെ ചാമ്പ്യൻമാരായ ഇന്ത്യ. എന്നാൽ പിന്നീട് പൊരുതിക്കളിച്ച കൊറിയ സമനില പിടിച്ചെടുക്കുകയായിരുന്നു.
ടോക്കിയോ ഒളിമ്പിക്‌സിലെ വെങ്കലമെഡൽ നേട്ടത്തിന് ശേഷം ആദ്യമായി ടൂർണമെന്‍റിനിറങ്ങിയ ഇന്ത്യയുടെ തുടക്കം മികച്ചതായിരുന്നു. മത്സരത്തിന്‍റെ നാലാം മിനിട്ടിൽ ലളിത് ഉപാദ്യയയിലൂടെ ഇന്ത്യ അക്കൗണ്ട് തുറന്നു. 18-ാം മിനിട്ടിൽ ക്യാപ്‌റ്റൻ ഹർമൻപ്രീത് സിങ് രണ്ടാം ഗോളും നേടി.