ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ടോട്ടന്‍ഹാമിനെ അട്ടിമറിട്ട് ബ്രൈറ്റണ്‍. ലിയാന്‍ഡ്രോ ട്രൊസാര്‍ഡിന്‍റെ(17) ഗോളിലാണ് ബ്രൈറ്റണ്‍ ഹൊസെ മൗറിന്യോയുടെ ശിഷ്യന്‍മാരെ പരാജയപ്പെടുത്തിയത്. ആദ്യ പകുതിയില്‍ പാസ്‌കന്‍ ഗ്രോബിന്‍റെ അസിസ്റ്റിലാണ് ബെല്‍ജിയന്‍ താരം ട്രൊസാര്‍ഡ് വല കുലുക്കിയത്. ജയത്തോടെ ബ്രൈറ്റണ്‍ ലീഗിലെ പോയിന്‍റ് പട്ടികയില്‍ 17ാം സ്ഥാനത്തേക്കുയര്‍ന്നു.
ഹോം ഗ്രൗണ്ടില്‍ ട്രൊസാര്‍ഡ് സ്റ്റാറായി; ടോട്ടന്‍ഹാമിനെ അട്ടിമറിച്ച് ബ്രൈറ്റണ്‍
സീസണില്‍ നാലാമത്തെ മാത്രം ജയം സ്വന്തമാക്കിയ ബ്രൈറ്റണ്‍ ലീഗിലെ പോയിന്‍റ് പട്ടകയില്‍ 17ാം സ്ഥാനത്തേക്കുയര്‍ന്നു
ട്രൊസാര്‍ഡ്
21 മത്സരങ്ങളില്‍ നിന്നും നാല് ജയവും ഒമ്പത് സമനിലയും ഉള്‍പ്പെടെ 21 പോയിന്‍റാണ് ബ്രൈറ്റണുള്ളത്. തുടര്‍ പരാജയങ്ങള്‍ ഏറ്റുവാങ്ങുന്ന ടോട്ടന്‍ഹാം പോയിന്‍റ് പട്ടികയില്‍ ആറാം സ്ഥാനത്താണ്. ലീഗിലെ കഴിഞ്ഞ മത്സരത്തില്‍ നിലവിലെ ചാമ്പ്യന്‍മാരായ ലിവര്‍പൂളിനോടാണ് ടോട്ടന്‍ഹാം പരാജയപ്പെട്ടത്. ചെല്‍സിക്കെതിരെ ടോട്ടന്‍ഹാമിന്‍റെ ഹോം ഗ്രൗണ്ടില്‍ ഈ മാസം അഞ്ചിന് പുലര്‍ച്ചെ 1.30നാണ് അടുത്ത മത്സരം. ബ്രൈറ്റണ്‍ വ്യാഴാഴ്‌ച നടക്കുന്ന അടുത്ത മത്സരത്തില്‍ നിലവിലെ ചാമ്പ്യന്‍മാരായ ലിവര്‍പൂളിനെ നേരിടും.