സെയ്ന്റ് പീറ്റേഴ്‌സ്ബര്‍ഗ്: യൂറോ കപ്പില്‍ ആദ്യ ജയം സ്വന്തമാക്കി റഷ്യ. ഗ്രൂപ്പ് ബിയില്‍ ഫിന്‍ലന്‍ഡിനെതിരെയാണ് ഏകപക്ഷീയമായ ഒരു ഗോളിന് റഷ്യ ജയം പിടിച്ചത്. ആദ്യ പകുതിയുടെ ഇന്‍ജുറി ടൈമിന്‍റെ രണ്ടാം മിനുട്ടില്‍ അലെക്‌സി മിറാന്‍ചുക്കാണ് റഷ്യയ്ക്കായി ഗോള്‍ കണ്ടെത്തിയത്.
മത്സരത്തില്‍ ഇരുപക്ഷത്തും നല്ല മുന്നേറ്റങ്ങളുണ്ടായിരുന്നെങ്കിലും കൂടുതല്‍ ഗോളുകള്‍ അകന്നു നിന്നു. ഫിന്‍ലന്‍ഡിന്‍റെ മധ്യനിര മികച്ച കളി പുറത്തെടുത്തിരുന്നുവെങ്കിലും മുന്നേറ്റനിരയുടെ വേഗക്കുറവ് തിരിച്ചടിയായി. മൂന്നാം മിനിട്ടില്‍ തന്നെ ഫിന്‍ലന്‍ഡ് താരം പൊഹാന്‍പോളോ പന്ത് റഷ്യല്‍ വലയിലെത്തിച്ചെങ്കിലും റഫറി വാറിലൂടെ(വിഎആര്‍) ഓഫ് സൈഡ് വിധിച്ചു.