ലണ്ടൻ : ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് ടോട്ടനം ഹോട്‌സ്‌പറിനെതിരെ അത്യുജ്വല വിജയം. കഴിഞ്ഞ മത്സരത്തിൽ ലിവർപൂളിനോട് വഴങ്ങിയ നാണംകെട്ട തോൽവിക്ക് പകരമൊന്നോണം 3-0 ന്‍റെ ഉജ്വല വിജയമാണ് യുണൈറ്റഡ് സ്വന്തമാക്കിയത്. സൂപ്പർ താരം റൊണാൾഡോയാണ് ഗോളടിച്ചും, ഗോളടിപ്പിച്ചും യുണൈറ്റഡിന്‍റെ വിജയപാത തെളിച്ചത്.
39-ാം മിനിട്ടിലാണ് ഹോട്‌സ്‌പറിന്‍റെ നെഞ്ച് തകർത്തുകൊണ്ട് റൊണാൾഡോ ആദ്യ ഗോൾ സ്വന്തമാക്കിയത്. 64-ാം മിനിട്ടിൽ എഡിൻസൻ കവാനി രണ്ടാം ഗോളും നേടി. റൊണാൾഡോയാണ് ഈ ഗോളിന് വഴിയൊരുക്കിയത്. തുടർന്ന് 86-ാം മിനിട്ടിൽ യുവതാരം റാഷ്‌ഫോഡ് മൂന്നാം ഗോളോടെ പട്ടിക പൂർത്തിയാക്കി.