ലണ്ടൻ : ഇംഗ്ലീഷ് പ്രീമിയർ ലീഗിൽ ന്യൂകാസിൽ യുണൈറ്റഡിനെതിരെ ചെൽസിക്ക് വിജയം. റീസെ ജയിംസ് നേടിയ ഇരട്ട ഗോളിന്‍റെ പിൻബലത്തിൽ മൂന്ന് ഗോളുകളുടെ ഏകപക്ഷീയ ജയമാണ് ചെൽസി സ്വന്തമാക്കിയത്. വിജയത്തോടെ പോയിന്‍റ് പട്ടികയിൽ ഒന്നാമതെത്തിയ ചെൽസി കീരീട നേട്ടത്തിനരികെയെത്തി.
65-ാം മിനിട്ടിൽ റീസെ ജയിംസാണ് ചെൽസിയുടെ ആദ്യ ഗോൾ നേടിയത്. 77 -ാം മിനിട്ടിൽ ഒരു ഗോൾ കൂടി സ്വന്തമാക്കി റീസെ തന്‍റെ ഇരട്ട ഗോൾ തികച്ചു. ഇതോടെ ന്യൂകാസിൽ മറുപടി ഗോളിനായി കിണഞ്ഞുശ്രമിച്ചെങ്കിലും ചെൽസി ഡിഫന്‍ഡര്‍മാര്‍ പിടിമുറുക്കി. 81-ാം മിനിട്ടിൽ പെനാൽറ്റിയിലൂടെ ജോർജിഞ്ഞോ മൂന്നാം ഗോളും വിജയവും സ്വന്തമാക്കി.