ലാലിഗയിൽ അത്ലറ്റിക്കോ മാഡ്രിഡിനെ തകർത്ത് ബാഴ്സലോണ. ക്യാമ്പ് നൗവില്‍ നടന്ന പോരാട്ടത്തില്‍ എതിരില്ലാത്ത രണ്ട് ഗോളുകള്‍ക്കാണ് ബാഴ്സ അത്ലറ്റിക്കോയെ തകർത്തത്. ജയത്തോടെ കാറ്റാലന്‍ ക്ലബ് കിരീടത്തിലേക്ക് അടുത്തു. പോയിന്‍റ് പട്ടികയിൽ അത്ലറ്റിക്കോ മാഡ്രിഡുമായുള്ള വ്യത്യാസം 11 ആയി ഉയര്‍ത്താനും ബാഴ്സക്കായി.
ലാലിഗയിൽ ബാഴ്സയ്ക്കും റയലിനും ജയം
അത്ലറ്റിക്കോ മാഡ്രിഡിനെ പരാജയപ്പെടുത്തി ബാഴ്സ കിരീട നേട്ടത്തിലേക്ക് അടുത്തു. രണ്ടാം സ്ഥാനത്തുള്ള അത്ലറ്റിക്കോയെക്കാൾ 11 പോയിന്‍റിന്‍റെ ലീഡാണ് ബാഴ്സയ്ക്കുള്ളത്.
ബാഴ്സലോണ
ഗോൾ രഹിതമായ ആദ്യ പകുതിക്ക് ശേഷം രണ്ടാം പകുതിയുടെ 85-ാം മിനിറ്റിൽ ലൂയിസ് സുവാരസും 86-ാം മിനിറ്റിൽ ലയണൽ മെസിയുമാണ് ബാഴ്സക്കായി ഗോൾ നേടിയത്. 28-ാം മിനിറ്റിൽ അത്ലറ്റിക്കോ താരം ഡീഗോ കോസ്റ്റക്ക് റെഡ് കാർഡ് കിട്ടിയത് മത്സരത്തിൽ നിർണായകമായി.
മറ്റൊരു മത്സരത്തില്‍ റയല്‍ മാഡ്രിഡ് ഐബറിനെ തോൽപ്പിച്ചു. 39-ാം മിനിറ്റിൽ മാര്‍ക്‌ കാര്‍ഡോണയിലൂടെ ഐബറാണ് മുന്നിലെത്തിയത്. എന്നാല്‍ 59-ാം മിനിറ്റിൽ കരീം ബെൻസിമയിലൂടെ റയൽ സമനില ഗോൾ നേടി. രണ്ടാം പകുതിയിൽ തകർത്ത് കളിച്ച റയൽ 81-ാം മിനിറ്റിൽ ബെന്‍സിമയുടെ രണ്ടാം ഗോളിലൂടെ വിജയം ഉറപ്പിച്ചു.