ഇന്ത്യന്‍ സൂപ്പര്‍ ലീഗിന്‍റെ പുതിയ സീസണിന് മുന്നോടിയായി ക്രൊയേഷ്യയുടെ പ്രതിരോധതാരം മാര്‍ക്കോ ലെസ്‌കോവിച്ചിനെ സ്വന്തമാക്കി കേരള ബ്ലാസ്‌റ്റേഴ്‌സ്.
ക്രൊയേഷ്യയിലെ ടോപ് ഡിവിഷന്‍ ക്ലബ്ബായ ജിഎന്‍കെ ഡൈനാമോ സാഗ്രെബില്‍ നിന്നാണ് താരത്തെ ബ്ലാസ്‌റ്റേഴ്‌സ് ടീമിലെത്തിച്ചത്. 2014-ല്‍ അര്‍ജന്റീനയ്‌ക്കെതിരെയാണ് ലെസ്‌കോവിച്ച് ദേശീയ ടീമിനായി അരങ്ങേറ്റം കുറിച്ചത്.
ക്രൊയേഷ്യന്‍ ലീഗില്‍ 150ലധികം മത്സരങ്ങള്‍ 30 കാരനായ താരം കളിച്ചിട്ടുണ്ട്. എന്‍കെ ഓസിയെക്ക് ക്ലബിലൂടെയാണ് താരം ഫുട്‌ബോള്‍ കരിയര്‍ ആരംഭിച്ചത്. പിന്നീട് എച്ച്‌എന്‍കെ റിയേക്കയിലേക്ക് കൂടുമാറിയ താരം യുവേഫ യൂറോപ്പ ലീഗില്‍ കളിച്ചിട്ടുണ്ട്.
also read: ആൻഫീൽഡിൽ ഏറ്റവും കൂടുതൽ ചാമ്പ്യൻസ് ലീഗ് ഗോളുകൾ; സലായ്‌ക്ക് പുതിയ നേട്ടം
തുടര്‍ന്ന് 2016ലാണ് ലെസ്‌കോവിച്ച് ഡൈനാമോ സാഗ്രെബിലെത്തിയത്. സെന്‍റര്‍ ബാക്കായി കളിക്കുന്ന താരം ലെഫ്റ്റ് ബാക്കായും ഡിഫന്‍സീവ് മിഡ്‌ഫീല്‍ഡറായും കളത്തിലിറങ്ങിയിട്ടുണ്ട്.
