പാരിസ് : പി.എസ്.ജിയുടെ സൂപ്പർ താരം ലയണൽ മെസിക്ക് കാൽമുട്ടിന് പരിക്ക്. ഒരാഴ്‌ചയോളം താരത്തിന് വിശ്രമം വേണ്ടിവരുമെന്നാണ് റിപ്പോർട്ടുകൾ. ഇതോടെ ലീഗ് വണ്ണിലെ മെറ്റ്‌സിനെതിരായ മത്സരം താരത്തിന് നഷ്‌ടമാകും. കഴിഞ്ഞ ദിവസം ഒളിമ്പിക്‌ ലിയോണിനെതിരായ മത്സരത്തിനിടെയാണ് മെസിക്ക് പരിക്കേറ്റത്.
ഇടത്തേ കാൽ മുട്ടിന് പരിക്കേറ്റ താരത്തെ സ്‌കാനിങിന് വിധേയനാക്കിയിട്ടുണ്ട്. എല്ലുകൾക്ക് ചതവുണ്ടെന്നും എന്നാൽ പരിക്ക് ഗുരുതരമല്ലെന്നും മെഡിക്കൽ ടീം അറിയിച്ചിട്ടുണ്ട്. ഈ സീസണിൽ പി.എസ്.ജിക്കായി മൂന്ന് മത്സങ്ങളിൽ പന്ത് തട്ടിയെങ്കിലും ഇതുവരെ ഗോൾ നേടാൻ മെസിക്കായിട്ടില്ല.